Canta U Populu Corsu. A Dota. Zeneszám

Mamma he vechja e sola in casa
Dunque mi trovu obligatu
Piglia moglia s'eiu la vogliu
Per un marchja piu strappatu
Tutti mi danu cunsiglii
S'eiu la trovu ch'eiu la piglii

Quist'annu vogliu piglia moglia
Ch'aghju una bella piantata
Suminata he a sette libra
Spergu in Diu sia bona annata
Mamma un po in casa e fora
Ci vole ch'eiu ghjunghji una nora

Noi simu dui fratelli
A sparteci un gran'casale
U primu chi si marita
Pigliera induve ella li pare
E parti l'ha fatte mamma
Testimoni un si he chjama

Si ella he quante a la mubiglia
A me nunda n'un mi manca
Aghju lu mio tavulinu
A mio meria e a mio panca
Una bella caffittera
Quattru piatti e una suppera

In qualita di vestume
Propiu nunda nun mi manca
Aghju duie camisgiole
Una he brutta e l'altra he bianca
He vera scarpi un he aghju
Quist'annu li cumpreraghju

Dino ci vole ch'eiu mi compri
Un pezzacciu di barretta
Un paghju di pantaloni
Un ghjileccu e una ghjacchetta
E po allora aghju ogni cosa
Un mi manca che la sposa

Aghju un bellissimu lettu
Di li piu fine castagnu
Ci he cuvertoghje e lenzole
Di cuprimi nun mi lagnu
Aghju un bellu strapuntinu
Un saccone e un cuscinu

Qui finiscu o damicella
A ludavvi u mio casale
Se voi vulete fa un capricciu
Incu me un ci starete male
Eiu voi fratellu e mamma
Sera pane biancu in brama