Canta U Populu Corsu. Ditemi. Zeneszám

O Ma chi vulia ditti,
Troppu spessu stemu zitti,
Tu in un scornu e eu in quill'altru
Quantu ci manca lu passu
Di quellu chi ghje qualla
Per azzicacci la pena
So ci parlessimu a pena
Tantu so a verita
Ma si muta o Ma,
Ma si muta.

M'anu insignatu di ditu:
"He figliolu di banditu !"
Toccu quant'e mi so intesu
Po cu lu mio pugnu tesu
Lu nostru populu offesu
Babbu sempre l'ha difesu
Quale di voi un la sa.
U lindumane a bon'ora
Tempu simu intrat'in scola
Nant'a lu nostru tavulone
Foscu piu che una prigione
Una manu di zitellu
C'avia postu un acellu biancu,
E scrittu: liberta !
Ma si muta o Ma,
Ma si muta.

Sai, ava, dettu lu corsu
Ci mettimu a parla corsu
Emu tutti a u curughjolu
Un nome di macchjaghjolu.
Eiu, hai induvinatu
Portu lu nome di Babbu
Ch'elli c'anu incarceratu
Ch'elli c'anu incarceratu,
Ma si muta o Ma,
Ma si muta.

T'arricord'issa matina
I nostri sogni in pulvina
Ellu solu, elli sei
Manittatu mani e pedi
Po lu si, l'anu purtatu
Ghjustu s'ellu c'ha basgiatu
Quant'ellu era curagiosu
Babbu caru u to sposu,
Ma si muta o Ma,
Ma si muta.

Da u mio piu prufondu sognu
Ogni ghjornu cresce un frombu
Ghje quellu d'un avio
Chi partendu a le prigio
Mi sbranguleghja lu capu,
Mi trapaneghja lu core
Mi discetu e vecu a Babbu,
Incatinatu e prontu a more
E tu chi un vole parla
Dimmi ch'ellu ha da vulta !
Dimmi ch'ellu ha da vulta !
Dite ch'ellu ha da vulta