Renaud. Dù Qu’i Sont. Zeneszám

Du qu'i sont tout's ches compagnies ed' mineurs
Qui allottent ed' sous terre faire ech' dur labeur
Au pic, a ltriv'laine, rassaquer ech' carbon
A l'abattache, au herchache, du qu'i sont ?

Du qu'i sont tous les mineurs du grand saquache
A l'bowette, a front ed' talle, a l'accrochache
Meneux ed' quevaux, raccommodeux, porions
Nou peres, nou hardis taions, dis du qu'i sont ?

Du qu'i sont ches rires ed' ches filles a gaillettes
Oubliant leu peines pour einn'amourette
Au moulinache, ouvrant comme ches garchons
Nou lampistes et leu taillettes, du qu'i sont ?

Du qu'i sont, i vous d'mind'ront un jour vou gosses
Les souv'nirs ed'ches gins qui allottent a l'fosse
Pus d'chevalets, pas d'terrils, et pas d'corons
'vous lamint'rez aussi, du qu'i sont ?
Du qu'i sont tout's ches compagnies ed' mineurs
Porions, galibots, calins, ou ingenieurs
Lampistes, filles a gaillettes, carrieux d'carbor'
Nou terrils, nos molettes, dis du qu'i sont ?

Du qu'i sont ches bons jonnes ed'douze treize ans,
Au fond pousseux ed' barrous, les pieds in sang,
Au jour trieux ed' caillaux et d'bon carbon,
Nou z'archelles ed' galibots, du qu'i sont ?

Du qu'i sont les Sainte Barbe et les ducasses
Les fetes ed' famille, les guinces, les fricasses
Loin d'ches grev's et d'ches accidints du fond
El'tarte a gros bords, les canchons, du qu'i sont ?

Refrain

Du qu'i sont les viux corons ed' ches mineurs
Du qu'in partageot insonne les bonheurs,
L'amitie all' s'trouvot sus l'seul ed'ches masons
Les bons momints a ch'pignon, dis du qu'i sont ?

I sont rintres dins l'legende ed' nou sieque
A l'fosse nou peres ont souffert, ont peri
Leu durts miseres meritent qu'in les respecte
Conservons leu chevalets, et leu terrils