Surghjenti. Anima Divina. I Stantari. Zeneszám

Stantari di Filitosa
Misteriosi fieri e muti
Qual'e chi po di qualcosa
Da duva seti vinuti
Vo di razza maestosa
Da a stoddia scunisciuti

Qual'sara chi v'a zuccatu
Senza punta ne marteddu
A a lucci di u soli
Di a luna o di i steddi
Qual'sara l'essaru stranu
Chi v'a fatu cusi beddi?

Qual'sara chi v'a piantatu
Un' ad un infilarati
In quissu campu vardatu
I seculi seti stati
Ma nimu v'a dumandatu
Da duva erati scalati !

Seti fiddoli di Gramanti
Scappati da u fumaccia
O populu di livanti
Fattu pa guerra e pa caccia?
Forza seti i giganti
Dundi se persu a traccia

Seti di u tempu andati
I tistimogni sacrati
Quiddi ci ani lacatu
Di i vechji i cuntati
Ed e qui in quissu pratu
Chi vo ni seti campati!

Ma di vo ghjuveddi cari
No un'avemu paura
Chi seti i corsi antichi
Nati in tempu di bughjura
E da no sareti amati
Fin'a chi ssu mondu dura!